DAVID MOYES ATUA UTURUKI KUINOA GALATASARAY.

Ule usemi usemao ukisema cha nini wengine wanasema nitakipata lini umetimia kwa aliyekua kocha wa Manchester United David Moyes baada ya kupewa ofa ya miaka minne ya kukinoa kikosi cha Galatasaray kuiridhi mikoba ya Roberto Mancini kama anavyoonekana hapo juu akizungumza na mmoja wa maofisa wa Galatasaray baada ya kutua katika uwanja wa ndege wa kimataifa wa Instabul nchini Uturuki.

.....karibu sana Uturuki..ni kama afisa huyu wa Galatasaray anamuambia David Moyes was baada ya kukanyaga ardhi ya Uturuki kujadiliana na maofisa wa timu hiyo ili kukinoa kikosi hicho cha wukukutu.

Tangu David Moyes afukuzwe kazi Manchester United amekua akiendelea kula raha zake huko Miami nchini Marekani.

David Moyes alitimuliwa kukinoa kikosi cha Manchester United tangu April mwaka huu zikiwa zimesalia mechi kadhaa kabla ya kumaliza msimu bada ya kuboronga na kuiacha timu katika nafasi ya saba kwenye msimamo wa ligi kuu England.

Jurgen Klinsmann (kushoto) na Joachim Low (kulia) wote ni makocha ambao wamekua wakiwindwa na klabu ya Galatasaray.

Galatasaray imemfukuza kazi Roberto Mancini kukinoa kikosi cha kutokana na kushindwa kuhimili mikiki mikiki ya ligi kuu ya Uturuki na klabu bingwa ulaya.