MFUNGAJI BORA WA KOMBE LA DUNIA ATUA REAL MADRID.

Timu tajiri ya soka ya Hispania ya Real Madrid imeendeleza ubabe na kiburi chake cha pesa baada ya kumsajili mfungaji bora wa michuano ya kombe la dunia James Rodriguez kwa kitita cha paundi milioni 60 na kuweka historia ya ada ya uhamisho baada ya Christiano Ronaldo na Gareth Bale.

Hivi ndivyo Rodriguez alivyopitia vipimo vya afya katika hosptali ya Madrid ikiwa ni hatua ya kujiunga na miamba hiyo ya soka ya Hispania.

James Rodriguez akiondoka viwanja vya hospital ya Sanitas La Moraleja Madrid baada ya vipimo vyake kukamilika.

James Rodriguez alitarajiwa kutambulishwa rasmi leo jumanne katika uwanja wa Bernabeu mbele ya mashabiki wa Real Madrid.

James Rodriguez anatarajiwa kuleta chachu kubwa ya ushambuliaji katika kikosi cha Real ambapo ataungana na Ronaldo,Bale na Benzema.

Tayari nyota wa Ujerumani Toni Kroos alishasajiliwa mapema mwezi huu na kuifanya klabu hiyo ya Hispania kujaza nyota wengi wa soka Duniani...Swali ni Je,wataweza kupambana na miamba mingine ya Hispania kama vile Barcelona na Atletico Madrid?