TUNAMUOGOPA REFARII WA MECHI YETU Vs BRAZILI-CHILE

HOWARD WEBB.

Zikiwa zimesalia saa chache kabla ya muendelezo wa michuano ya kulisaka kombe la dunia 2014 huko nchini Brazili,michuano ambayo ilikua imesimama kwa mapumziko ya siku moja, leo hatua ya 16 bora kutafuta tiketi ya robo fainali inaanza kwa wenyeji Brazili kuvaana na Chile mchezo ambao unatajwa kuwa mchezo mgumu kama wa fainali, lakini Chile tayari wamesema hawana imani ya mwamuzi wa mechi hiyo Howard Webb pichani juu.

Mchezaji wa Chile na klabu ya Barcelona Alexis Sanchez ndiye amekua wa kwanza kumshutumu mwamuzi huyo bora wa FIFA kwamba amekua na historia ya kupendelea timu fulani fulani kutokana na mapenzi yake kama vile shutuma mbalimbali za kuibeba Manchester United na inasemekana Webb ni mpenzi mkubwa wa timu ya taifa ya Brazil.

Lakini kwa upande wa kocha wa timu ya taifa ya Brazili amesema hana hofu yoyote na mwamuzi yoyote na kuwaambia Chile ni waoga kama zilivyo timu nyingine zinavyoogopa kukutana na Brazili. "Sishangai taarifa hizo kwamba wanamuhofia refarii,Chile ni waoga kama zilivyo timu zingine zinaogopa kukutana na sisi, nawaomba waache uoga,twende uwanjani tukatafute mshindi" alikaririwa Scolari na vyombo vya habari.

Shutuma za Chile zinakua na nguvu hasa pale wataalamu wa soka wanapoizungumzia penalti ya utata waliyopewa Brazil dhidi ya Croatia baada ya mchezaji wa Brazili Fred kujidondosha eneo la hatari.

Webb pia amechezesha mechi kati ya Colombia na Ivory Coast mchezo ambao Nigeria walilamika kuminywa wazi wazi na mwamuzi huyu muingereza mwenye mapenzi ya dhati na timu moja dhidi ya nyingine anapochezesha mpira.

Tafadhali toa maoni yako hapa chini na pia

unaweza uka share story zote za mchome blog kwa marafiki zako.