ANGALIA PICHA 16 JINSI MKENYA ALIVYOFANYA MAAJABU KOMBE LA DUNIA

Wahenga walisema kawia lakini ufike,hivi ndivyo yalipotimia pale Mkenya anayeichezea timu ya Ubelgiji alipoifungia timu hiyo goli la jioni mnamo dakika ya 88 mchezo dhidi ya Russia katika mechi iliyokuwa kali na ya kusisimua.

Mkenya Origi akitupia kambani mpira wa pasi nzuri kutoka kwa mchezaji nguli Eden Hazard na kuiwezesha Ubelgiji kutinga hatua ya 16 bora.

Kevin Mirallas akimpongeza mchezaji mwenzake mkenya Orig ambaye kwa sasa huenda likawa chaguo la kwanza la kocha wake baada ya Romelu Lukaku kushindwa kabisa kuonyesha cheche kwenye fainali hizo za kombe la dunia zinazoendelea huko nchini Brazil.

Nahodha wa Ubelgiji Vincent Kompany akishangilia goli la mkenya Origi baada ya kipenga cha mwisho ambacho kiliwahakikishia kutinga kumi na sita bora.

Eden Hazard akimshukuru Orig kwa kazi nzuri aliyoifanya katika mtanange huo uliochezewa katika uwanja wa Maracana.

Kutokana na hali ya mogomo nchini Brazil,serikali imeimarisha ulinzi katika mechi kati ya Ubelgiji dhidi ya Urusi.

Mchezaji wa Ubelgiji Thomas Vermaelen akitibiwa baada ya kupata majeraha katika mechi hiyo.

Baada ya maumivu kuzidi hapa Thomas Vermaelen analazimika kutoka na kumpisha Jan Vertonghen

Soka sio mchezo jamani,ni kama vita

mlinda mlango wa Urusi Igor Akinfeev akipangua mpira wa kichwa ulioelekezwa kwake na  Marouane Fellaini

Kocha wa Urusi Fabio Capello akiwa haamini macho yake baada ya Mkenya kuiua Urusi dakika mbili kabla ya kipienga kupulizwa.

Mshambuliaji wa Ubelgiji Romelu Lukaku akijaribu kutumbukiza mpira kimiani pasipo mafanikio

Mchezaji wa Urusi Denis Glushakov akizawadiwa kadi ya manjano baada ya kumchezea ndivyo sivyo mchezaji wa Ubelgiji Dries Mertens.

Mlinda mlango wa Ubelgiji Thibaut Courtois gakipangua shuti kali kutoka kwa mshambuliaji wa Urusi.

Mshike mshike dimbani.

Kiungo mshambuliaji wa Ubelgiji Eden Hazard akijaribu kumtoka beki wa Urusi Denis Glushakov katika mpambano hu.