WANANCHI AFGHANISTAN WAPIGA KURA KUMCHAGUA RAIS WAO

Mwananchi wa Afghanistan akipiga kura ya kumchagua rais mpya wa nchi hiyo.

Rais Hamid Karzai akipiga kura yake mjini Kabul.

Mpiga kura akionyesha wino kidoleni kuashiria kuwa tayari amepiga kura kumchagua rais.

Baadhi ya vituo vya kupigia kura vilikuwa na msururu kama inavyoonekana.

WANANCHI wa Afghanistan wamejitokeza kwa wingi jana Jumamosi (Aprili 5, 2014) kumchagua mtu wa kuchukuwa nafasi ya Rais Hamid Karzai katika makabidhiano ya kwanza ya madaraka kwa njia ya kidemokrasia wakati vikosi vinavyoongozwa na Marekani vikikamilisha vita yao vya miaka 13 nchini humo.

Licha ya vitisho vya kundi hatari la Taliban, upigaji kura kwa kiasi kikubwa ulifanyika kwa amani huku kukiwa na misururu mirefu katika miji nchini kote wakati wapiga kura wakipiga kura zao chini ya ulinzi mkali takriban katika vituo 6,000.

Taliban imeukataa uchaguzi huo kuwa ni njama za kigeni na imewataka wapiganaji wake kushambulia wafanyakazi wa uchaguzi, wapiga kura na vikosi vya usalama.

Mkuu wa Tume Huru ya Uchaguzi (IEC), Ahmad Yusuf Nuristani ameliambia shirika la habari la AFP kwamba watu wengi wamejitokeza kupiga kura kuliko vile ilivyotarajiwa lakini hakutaja idadi bali amesema idadi hiyo ni ndogo katika maeneo ya vijijini kulinganisha na mijini.