VICTOR MOSES KUTIMKIA LIVERPOOL KWA MKOPO

Kocha wa Liverpool Brendan Rodgers ambaye yupo kwenye mikakati mikali ya kukiimarisha kikosi chake msimu huu,ametuma maombi Chelsea ya kumtaka mshambuliaji wao Victor Moses kwenda kukipiga Anfield kwa mkopo wa muda mrefu.

Victor Moses ambaye amesafiri na klabu yake ya Chelsea kuwavaa Manchester United usiku wa leo ambapo huenda akakalia benj.

Chelsea wanataka paundi milioni 2 kama ada ya kumuachia mchezaji wao huyo kinda wa miaka 22 kujiunga na Liverpool kwa mkopo,Moses analipwa mshara wa paundi 55,000 kwa wiki na Liverpool wapo tayari kumlipa mshahara huo.

BRENDAN ROGERS - KOCHA LIVERPOOL

Brendan Rogers anaamini uhusiano wake mzuri kati yake na Mourinho utarahisisha kumpata mchezaji huyo kwani ni dhahiri kwamba uwezekano wa kupata nafasi ya kucheza kwa Moses na Juan Mata ni mgumu hasa baada ya klabu hiyo kumsajili kiungo wa Anzhi Makhachkala Willian.

pamoja na juhudi hizo za Liverpool Moses amesema anataka kufanya kazi na Jose Mourinho habari zingine zinasema Atletico Madrid wanamtaka Juan Mata kwa mkopo.