MANCHESTER CITY KUISTUA DUNIA-KUMSAJILI CHRISTIAN RONALDO.

Klabu ya Manchester City wapo mbioni kuvunja benk ili kunyakua mshambuliaji wa Real Madrid Mreno aliyekua akikipiga zamani na klabu ya Manchester United Cristiano Ronaldo

Man City wameamua kuvunja Bank ili kutoa kitita kikubwa ambacho kitaweza kuwashawishi Real Madrid pamoja na Ronaldo mwenyewe kutua  Etihad msimu ujao wa ligi kuu England

Habari za neema zaidi kwa Ronaldo zinasema Man City wamemuambia wakala wa Ronaldo kwamba wapo tayari wamejiandaa kumlipa kiasi chochote cha fedha zaidi ya kile alichoahidiwa na Man U kwa maana kwamba wanaweza kumlipa zaidi ya paundi laki tatu kwa wiki 

 
Manchester United wamejitahidi kwa takribani miezi mitano iliyopita kumrudisha mshambuliaji huyo bila mafanikio lakini wao City wameamua kuvunja bank ili kumvutia Ronaldo.

Mwenyekiti wa Man City Sheik Mansur ameweka wazi kwa Soriano kwamba klabu yake itafanya kila linalowezekana ikiwa ni pamoja na kutumia kitita chochote cha fedha kuinasa saini ya mreno huyo ambaye kiwango chake kinakua kila kukicha
Ronaldo bado ana mkataba wa miaka miwili na klabu ya Madrid

 
Mkurugenzi mtendaji na mkurugenzi wa ufundi wa Man City wamemuambia wakala wa Ronaldo kwamba wapo tayari kufanya lolote muda wowote,

Hata hivyo Paris Saint Germain ni timu pekee inayoweza kuweka mezani kitita kikubwa kama cha City japo tayari ofa yao ya kutoa paundi milioni 55 kumyakua Ronaldo ilikataliwa na Madrid wiki iliyopita

 
Kocha wa zamani wa Man U Sir Alex Ferguson ndiye aliyemuibua na kumfanya mchezaji bora duniani ambapo mpaka sasa United wapo tayari kurudisha paundi milioni 70 kwa Madrid ili kumrejesha Old Trafod lakini wakala wa Ronaldo amesema itakuwa ni vigumu sana kwa Madrid kukataa ofa ya Man City kwani ni kitita kikubwa sana.