RAIS WA BRAZIL AREJEA NYUMBANI KUKABILIANA NA WAANDAMANAJI

 
RAIS WA BRAZIL BI.DILMA ROUSSEFF
Rais wa Brazil Dilma Rousseff amemaliza ukimya aliokuwa nao juu ya maandamano makubwa ya ghasia, akisema kuwa maandamano ya amani ni sehemu ya demokrasia imara lakini ghasia haziwezi kuvumilika.

Bi Dilma Ameahidi  kuimarisha  huduma  za umma  na  kufanya  mazungumzo na  viongozi  wa  maandamano,lakini  bado  haifahamiki  hasa  nani  anaweza  kuwakilisha  makundi makubwa  ambayo  hayana  uongozi  ya  waandamanaji  wanaoingia mitaani, wakitoa  hasira  zao  dhidi  ya  huduma  mbovu  za  umma licha  ya  mzigo  mkubwa  wa  kodi  unaowakabili.

 Takribani watu milioni moja wameingia mitaani nchini Brazil kulalamika kuhusu kila kitu kutoka ufisadi hadi huduma duni za umma kutokana na gharama kubwa za maandalizi ya dimba la kombe la dunia hapo mwakani.

 Maafisa wa kutuliza ghasia walilazimika kuingilia kati maandamano.