HALI YA MZEE NELSON MANDELA YAZIDI KUZOROTA,RAIS ZUMA AOMBA WATU WAMUOMBEE

RAIS JACKOB ZUMA AKIONGEA NA WAANDISHI WA HABARI KUHUSU HALI YA MZEE MANDELA.

Hali ya afya ya Rais wa zamani wa Afrika Kusini Mzee Nelson Mandela imeendelea kudhorota katika kipindi cha saa ishirini na nne zilizopita.

Akizungumza na vyombo vya habari vya nchi hiyo rais  Zuma amesema kwa sasa madaktari wanaendelea kufanya kila linalowezekana kuhakikisha wanaokoa uhai wa Mzee Mandela,lakini akakataa kutoa maelezo zaidi ya madaktari.

Raisi huyo wa kwanza mweusi wa afrika kusini mwenye umri wa miaka 94 alikimbizwa hosiptalini Pretoria mapema mwezi huu ikiwa ni mara ya tatu kwa mwaka huu ambapo taarifa zinasema anasumbuliwa na matatizo ya mapafu na mfumo wa upumuaji.

Jana jumapili rais Zuma alitangaza kwamba hali ya Mzee Mandela sio nzuri baada ya kumtembelea hosptalini ambapo alimkuta akiwa amelala lakini aliweza kuongea na mke wake pamoja na timu nzima ya madaktari wanaomtibu.

"sisi sote wananchi wa afrika kusini ni lazima tukubali kwamba Madiba(jina la mzee Nelson Mandela la ukoo) kwa sasa ni mzee,afya yake sio nzuri kwahiyo mimi nafikiri kitu tunachopaswa kukifanya ni kumuombea" alisema raisi Jackob Zuma.