MAN CITY WALININYIMA RUHUSA KUMUUGUZA MAREHEMU KAKA YANGU.

Mchezaji wa klabu ya Manchester City na timu ya taifa ya Ivory coast Yaya Toure amezungumzia masikitiko yake kufuatia kifo cha kaka yake Ibrahim Toure na kuishutumu timu yake kwamba walimnyima ruhusa ya siku nne kwenda kumuuguza marehemu kaka yake kitendo ambacho amesema hatakaa akakisahau maishane mwake.

Yaya Toure akipambana vilivyo na mchezaji wa Colombia wiki iliyopita ambapo walifungwa 2-1

Marehemu Ibrahim Toure enzi za uhai wake akiwa uwanjani wakati anaichezea timu ya Beirut mwezi wa kumi mwaka jana. Ibrahimu alifariki dunia huko jijini Manchester alipokuwa anapatiwa matibabu ya saratani, Ibrahim amefariki akiwa na miaka 28

Yaya Toure na kaka yake Kolo Toure wakiteta jambo muda mfupi kabla ya mechi yao ya kwanza ya kombe la dunia dhidi ya Japan mapema mwezi huu.

Kwa kauli hii ya Toure kwamba Man City walimnyima ruhusa kwenda kumona kaka yake wakati anaumwa inatarajiwa kuzua utata mkubwa klabuni hapo zaidi ya ile aliyowahi kuitoa hapo awali kwamba timu  yake haikumpa sapoti katika sikukuu yake ya kuzaliwa na walimnyima keki. Huenda Toure akaihama timu hiyo msimu ujao kutokana na kauli zake tata.