MAN UNITED MCHANA HUU WAMETANGAZA KUMREJESHA RONALDO KWA PAUNDI MILIONI 80

CHRISTIAN RONALDO ENZI HIZO AKIWA MAN U.

David Moyes believes he can lure Cristiano Ronaldo back to Old Trafford (Picture: Getty)

Kocha wa Manchester United David Moyes ameamua kuingia vitano kamili baada ya kuandaa ofa ya paundi milioni 80 ambayo anaamini kwamba pamoja na utajiri wa Real Madrid lakini ofa hiyo itawatoa udenda na kumuachia mshambuliaji mwenye kiwango cha juu duniani Cristiano Ronaldo kurejea nyumbani msimu huu.

DAVID MOYES-KOCHA MAN U

Tangu Moyes achukue mikoba ya Sir Alex Ferguson mwezi uliopita anajitahidi kuhakikisha anawapata wachezaji bora ili kuhimili mikiki mikiki ya ligi kuu England baada ya kuwakosa Thiago Alcantara na kiungo wa Barcelona Cesc Fabregas japo taarifa za leo zinaonyesha huenda wakafanikiwa kumsainisha Fabregas

Moyes anahaha kusaka mshambuliaji mwingine bora wa kusaidiana na Van Persie baada ya Muingereza Wayne Rooney kuweka wazi kwamba anataka kuondoka Old Trafford msimu huu

FLORENTINO PEREZ-RAIS WA MADRID.

Wakati Manchester United wakijitapa kumrejesha nyumbani mshambuali wao kipenzi Christian Ronaldo rais wa klabu tajiri duniani ya Real Madrid Florentino Perez siku chache zilizopita alikaririwa akisema hawajapokea ofa yoyote kutoka kwa Manchester United kuhusu Cristiano Ronaldo.Mshambuliaji huyo wa zamani wa Man U amehusishwa kurejea Old Trafford tangu msimu huu wa usajili ulipoanza baada ya kocha mpya wa Man U David Moyes kumtaka mchezaji huyo,Lakini kwa mujibu wa rais wa Madrid Perez ameviambia vyombo vya habari kwamba hawatarajii kumuuza Ronaldo kwa gharama yoyote ile kwani wanamtaka mchezaji huyo aendelee kukipiga madrid mpaka mwisho wa maisha yake ya soka.