MBOWE AUNGURUMA IRINGA,ASEMEMA DAWA NI SERIKALI TATU

Mwenyekiti wa chama cha Demokrasia na Maendeleo (Chadema) Freeman Mbowe akiwahutubia wakazi wa Ilula jana.

=======================================================================================

Na Gustav Chahe, Kilolo

MWENYEKITI  wa Chama cha Demokrasia na maendeo (CHADEMA) Freeman Mbowe amesema muarobaini wa matatizo ya nchi na migongano iliyopo ni serikali tatu.

Aliyasema hayo katika mkutano wa wazi wa kujadili rasimu ya Katiba mpya uliofanyika katika kiwanja cha Ilula Wilaya ya Kilolo katika Mkoa wa Iringa.

Alisema kukiwa na serikali tatu kutakuwa na utaratibu mzuri wa kunufaika na raslimali za taifa kwa upande wa Zanzibar  na Tanganyika.

Amesema katika suala zima la Katiba mpya watu wanatakiwa kuacha tofauti zao ili kuweza kujadili mambo yaliyo ya muhumu tu.

Alisema majadiliano ya rasimu ya Katiba mpya hayapaswi kufanyika kwa kificho kwa kuwa ni mali ya watanzania wote.

“Tunapo zungumza suala la katiba ya nchi yetu tuache dini na tofauti zetu pembeni ili tuweze kutengeneza katiba nzuri. Watanzania wanastahili kushirikishwa” alisema Mbowe.

Alisema katika taifa kumekuwa na mmomonyoko mkuwa wa wananchi ambao unasababishwa na baadhi ya watu kujigeuza kuwa miungu watu.

Alisema lengo la Chadema ni kutaka kila mmoja aweze kuwa huru na kuwa pamoja kuishi kwa kuheshimiana na hasa katika imani.

“Tunataka kila mmoja awe na haki ya kumiliki ardhi badala ya watu wachahe kuhodhi kila kitu. Tumeona kuna kuna watu wachache wanataka kutengeza katiba inayowalinda wa. Tunapozungumzia utawala hatumzungumzi kimwete bali tunataka kuweka utawala ambao kila mtu atakayeingia madarakani aweze kufuata taratibu hizo” alisema.

Kwa katiba tuliyo na ya leo tunaweza kuwa na rais chizi na tukiwa na rais chizi ataipeleka nchi kichizi hivyo hivyo na itabidi tukubali tu.

Alisema Katiba mpya itaweza kuwabana wabunge watakaochaguliwa ili waweze kurudi kuwatumikia wananchi wao badala ya kuhamia na kuishi Dar es Salaam.

“Watawala wetu siku hizi wanafanya mambo ya siri. Wanasaini mikataba hya siri, wanauza madini na gesi kwa siri na kufanya nchi kama ni mali yao.Katiba mpya itayamaliza mambo ya siri na kila mmoja atajua kinachoendelea” alisema.

Naye mnadhimu Mkuu  wa kambi ya upinzani bungeni Tundu Lissu akihutubia katika mkutano uliofanyika katika uwanja wa Mwembetogwa katika Manispaa ya Iringa alisema umefika wakati wa Tanganyika kufufuka kutoka wafu na kuwa na serikali yake ili kuendesha mambo yanayohusu Tanganyika kwa taratibu zake bila kuingiliana.

“Rais asiyetaka mabadiliko na ushauri hafai. Pia waziri ye yote atakayeteuliwa na rais atapigiwa kura bungeni kupima uwezo wake” alisema Lissu.